A Nosa Terra foi o vozeiro das Irmandades da Fala (1916-1932) e do Partido Galeguista (1932-1936). Editou-se integramente em galego e foi fundamental para o espalhamento do ideal galeguista. Publicarom-se em total 422 números.
O primeiro número saiu o 14 de Dezembro de 1916 na Corunha e contava com oito páginas. Na sua etapa corunhesa, a redaçom e administraçom estava no despacho que tinha no Cantom Grande o advogado e escritor Xosé Iglesias Roura, que foi o seu primeiro diretor. Antón Vilar Ponte foi o seguinte diretor até a IV Assembleia das Irmandades da Fala (1922). A partir de entom Víctor Casas será quem leve o peso real da direçom, ainda que nominalmente foram diretores Alexandre Bóveda, Aquilino Iglesia Alvariño em 1933 ou Ramón Suárez Picallo em 1934. O 1 de Fevereiro de 1932, pouco depois do nascimento do Partido Galeguista, converteu-se no seu vozeiro oficial e a redaçom trasladou-se a Ponte-Vedra. Em Junho de 1933 deixou-se de publicar durante um tempo por dificuldades financeiras.
No ano 1917 contava com 2.000 subscritores, em 1931 com 500 e em 1935 com 1.000, ainda que se desconhece a tiragem exata. Os recursos económicos da publicaçom provinham das subscriçons, da publicidade, das doaçons dos galegos de América e das Irmandades da Fala primeiro e o Partido Galeguista depois.
O 17 de Junlo de 1936 saiu o derradeiro número de ANT.
*******************
