Nós foi umha revista publicada em galego entre 1920 e 1936 com contidos literários, linguísticos, artísticos, etnográficos, filosóficos e de pensamento político.
Primeiros passos
Nós foi impulsada e dirigida por Vicente Risco, quem procurou insistentemente colaboraçons de fora de Galiza com o objeto de dar-lhe umha dimensom europeia. O primeiro número apareceu o 30 de Outubro de 1920 em Ourense e aqui publicariam-se os primeiros 15, antes de passar a ter a administraçom na Corunha e Compostela, na sede da editorial Nós. O endereço mantivo-se sempre no domicilio de Vicente Risco.
A revista, ligada ao pensamento nacionalista, pretendia normalizar o uso do idioma e eleva-lo dos usos orais à alta cultura. Mesmo a publicidade era maioritariamente em galego. Pretendeu-se também que o seu desenhño gráfico ajuda-se a conseguir essa dignificaçom e a criar umha estética genuinamente galega, para o que Risco designou a Castelao como responsável artístico.
Contidos
Dous eram os âmbitos que tratava: por umha banda o descobrimento da identidade galega, introduzindo linhas de investigaçom novas e contribuindo à modernizaçom metodológica, que afetou fundamentalmente à arqueologia, à etnografia, à historia e ao pensamento; por outra a presentaçom das ideias novas que apareciam em Europa. Para tal fim, explorarom-se as culturas europeias que se consideravam mais próximas da galega, nomeadamente a irlandesa (Irlanda estava constituindo-se em estado independente naquela altura) e a portuguesa (em Portugal florescia a língua galega).
Com todo, houve umha enorme presença doutras culturas, sobre todo centro-europeias em consonância com os gostos de Risco e com os epicentros culturais predominantes daquela.
Entre as novidades que a revista Nós achegou à cultura galega estám as traduçons de autores contemporâneos, como a traduçom de fragmentos do Ulysses de James Joyce por parte de Otero Pedrayo.
História
Em Junho de 1920 celebrou-se unha reuniom em Ponte-Vedra à que acudiram Vicente Risco, Castelao, Ramón Cabanillas e Antón Losada Diéguez para discutir a creaçom dumha revista monolingue sobre a cultura galega, que decidem chamar Nós a proposta de Castelao, decidirom também o lugar de impressom, a imprenta de La Región em Ourense e o diretor literário, Risco, e artístico, Castelao. Posteriormente encomendarom-lhe a Arturo Noguerol o seu financiamento, para o que constituiu umha sociedade mercantil.
No ano1923 passou a imprimir-se em Ponte- Vedra até que depois do número
O 25 de Junho de 1925 aparece de novo por iniciativa de Ánxel Casal na Corunha e com a colaboraçom de membros do Seminário de Estudos Galegos, ademais de colaboradores da primeira época. A partir do número 88 imprimiu-se em Compostela. O último número (139-144) saiu do prelo pouco antes da sublevaçom militar de 1936 e nom se chegou a distribuir, apenas dous exemplares sobrevivem à queima da imprensa de Ánxel Casal polos fascistas.
**********
Ano 1920:
- Número I.
- Número II.
- Número III.
Ano 1921:
- Número IV.
- Número IV.
